សមត្ថកិច្ចឃាត់ខ្លួនយុវជនម្នាក់បន្ទាប់ពីបានជិះម៉ូតូបុកនគរបាល កំពុងឈរការពារក្បួនថ្នាក់ដឹកនាំ បណ្តាលអោយបាក់ភ្លៅម្ខាង
3 ឆ្នាំ មុន
យុវជនម្នាក់ជិះម៉ូតូលឿនជ្រុលបុកនគរបាលមួយរូបកំពុងឈរសម្រួលចរាចរជូនក្បួនថ្នាក់ដឹកនាំកបើកឆ្លងកាត់ បណ្តាលអោយនគរបាលរូបនោះរងរបួសបាក់ភ្លៅខាងស្តាំម្ខាង ចំណែកយុវជនខាងលើត្រូវបានសមត្ថកិច្ចឃាត់ខ្លួន។
ករណីនេះកើតឡើងតាមបណ្តោយផ្លូវ ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ កាលពីវេលាម៉ោង៩នឹង៣០នាទីព្រឹកថ្ងៃទី ២២ ខែ មិថុនា ឆ្នាំ ២០២០ ។
នគរបាលដែលរងរបួសបាក់ភ្លៅមានឈ្មោះ ម៉ាក់ សាម៉ុនសៅរ៍ម៉ា មានឋានៈជាអនុសេនីយ៍ត្រី បម្រេីការនៅប៉ុស្តិរដ្ឋបាលចាក់អង្រែក្រោមនៃអធិការដ្ឋាននគរបាលខណ្ឌមានជ័យ ៕
